Nangiruar ti Bureau of Internal Revenue iti baro a tarabay tapno malawlawagan dagiti patakaran iti one-time property tax transactions, agraman ti pannakaiproseso ti Electronic Certificate Authorizing Registration (eCAR) ken One-Time Transaction (ONETT) Computation Sheet (OCS).
Sakupna daytoy ti panangiyakar ti owner ti real property, shares of stock, donasyon, ken estate.
Gagem ti baro a memorandum a mapadaras ken agpapada ti proseso dagiti aplikasion.
Segun iti BIR, dagiti simple a ONETT transaction ket maiproseso iti uneg ti tallo a working days para iti computation sheet ken pito a working days para iti eCAR, no la ket kumpleto dagiti dokumento.
Nailawlawag pay a ti panagiproseso ken panangited iti ECAR ket isayangkat ti Revenue District Office (RDO) nga adda hurisdiksionna iti transaksion, uray sadino pay ti pagbayadan iti buwis.
