Posible nga inton impeachment trial a mapagdesisyonan ti pannakalukat ti Bureau of Internal Revenue (BIR) box a naglaon kadagiti tax records ni Vice President Sara Duterte.
Segun ken ni Senate President Win Gatchalian, awanen iti maisayangkat a pre-trial conference ita a lawas tapno lukatan ken markaan ti BIR box.
Kinuna ni Gatchalian a ti mismo a trial laengen a mapagdesisyonan iti Senate Impeachment Court ti panaglukat ti selyado a karton.
Saan nga inton Lunes nga agdesisyon ti impeachment court para iti BIR box no diketdi inton mai-raise dayta iti House Prosecution Team kagiddan ti trial.
Ti House Prosecution team ket nagipasa iti Impeachment Court iti manifestation tapno lukatan ti nasao a BIR box.
Ti nasao a box ket impada idi ti BIR iti House Committee on Justice a nagpa-subpoena iti tax records ni VP Sara ngem saan a linukatan iti kamara kas panangsurot iti non-disclosure provisions maipanggep kadagiti tax records iti salinong ti National Internal Revenue Code.
