VIGAN CITY – Saan a matukod iti ragsak a narikna ni Santos Bal-iyang, school principal ti Quirino National High School, gapu iti panagturpos ti inunaan a putot na a ni Kenworth Bryle kas Summa Cum Laude ken Class Valedictorian ti University of the Philippines- Baguio.
Segun ken ni Santos, agkadua da nga agama idi maamuan ni Kenworth nga isuna ket agturpos kas Summa Cum Laude babaen iti kumpirmasyon ti university registrar ti nasao a pagadalan.
Saan met nga ilibak ti principal nga idi pay laeng elementary ken high school ti putot na ket nalaingen iti academics ta nagturpos isuna kas 3rd honor idi elementary ken valedictorian idi high school, sabali pay iti panag-champion na iti National Quiz Bee ti Science.
Ni Kenworth a maysa a BS Biology student iti maikadua pay laeng a Summa Cum Laude ti UP- Baguio a ti average na ket 1.141 ta ti damo a nagturpos a nakagun-od iti nasao a pammadayaw ket ti BA Communicaion student a ni Jahzeel Abihail Cruz idi 2007 a ti average na ket 1.15.
