Bin-i ken ganagan a maiwarwaras iti ili ti Cabugao, agpaay laeng kadagiti pudno nga agkasapulan

VIGAN CITY – Inlawlawag ni Vice Mayor Eddie Boy Cobangbang a saan a husto a mapilpili laeng dagiti mawarasan iti bin-i ken ganagan iti ili ti Cabugao.

Iti pannaki-uman ti Bombo Radyo Vigan ken ni Vice Mayor Cobangbang, kayatda laeng a masigurado a dagiti makaaw-awat ket dagiti pudno nga agkasapulan iti panagtalonda.

Ti pannakaiwaras ita dagiti bukel ken ganagan iti nasao nga ili ket kas sungbat kadagiti nagpakaammo kadakuada a kasapulanda ta inlawlawag ti bise mayor a saan a gapu nga adda ID da kas mannalon ket maipaayanda.

Binaliwandan ti sistema gapu ti kaadda dagiti dadduma a makaaw-awat nga ilaklakoda iti nalaklaka a presyo.