VIGAN CITY – Nagsagaba iti dunor ti ulo ken nadumaduma a paset ti bagi dagiti nagkalubbon iti motorsiklo gapu ti pannaka-aksidenteda iti national highway idiay Brgy Napo, Magsingal.
Nabigbig ti nagmaneho iti Black/white Honda beat a motorsiklo a ni Jericho Pastor Pugal, maysa a construction worker a taga-Brgy San Isidro, Bantay idinto a ti backrider-na ket ni Ellaine Raguindin Pilar, agtawen iti duapulo ket dua, estudyante a taga-Brgy San Julian Sur, Vigan City.
Segun iti PNP, ti motorsiklo ken ti backrider na ket agpapamianan a paset iti kalsada idin ta bimtak ti akin-likud a pilid ti motorsiklo a rason iti pannakadisgrasyada.
Insigida a nakaresoponde dagiti kameg ti Bureau of Fire Protection ket naipan iti Tolentino Clinic Hospital Sto. Domingo ISur, ti backrider idinto a naipan iti North Side Doctors Hospital, Bantay, ISur ti drayber para iti naan-anay a pannakatamingna.
