Umaboten iti sangagasut pitopulo ket siam ti natay iti panagswek ti Jeju Air flight 7C2216 idiay Muan International Airport, South Korea itay bigat.
Napasamak ti insidente bayat ti panagisayangkat ti Jeju Air flight 181 iti emergency landing a naggapu idiay Bangkok a nangilugan iti sangagasut walopulo ket maysa a pasahero.
Iti agdama, maysa a pasahero ken miembro ti crew ti naisalakan.
Ti Boeing 737-800 ket naaddaan iti parikut bayat ti panagdalyasatna iti runway idi awan nakitana a landing gear sakbay a naidungpar iti pader, alas nuebe tres iti agsapa, oras idiay South Korea.
Inladawan met dagiti nakaimatang a nangngegda ti napigsa a putok ti panagtinnag ti eroplano iti pader ti airport a puon ti panagbettak ken panaggil-ayabna.
Atapen met dagiti otoridad nga adda napasamak a bird strike bayat ti panaglanding ti eroplano.
