Bilang ti natay iti northern Pakistan gapu iti layus, umaboten iti 225

Umaboten iti 225 a tattao idiay northern Pakistan ti natay gapu iti napigsa a tudo iti naglabas nga uppat a pulo ket walo nga oras.

Kaaduan kadagiti natay wenno 211 ket manipud iti kabambantayan a paset ti Khyber Pakhtunkhwa province, segun iti National Disaster Management Aurhority.

Siam ti natay manipud iti Kashmir, idinto a lima idiay northern Gilgi-Baltistan region.

Kaaduan ket natay gapu iti layus ken ti pannakadadael dagiti pagtaengan, ken duapulo ket maysa met ti nadunor.

Ginasut a rescue worker ti mangsapsapul kadagiti survivor idiay Buner, maysa a kabambantayan a distrito iti Khyber Pakhtunkhwa province.