--Ads--
Umaboten iti 78 nga indibidual ti natay iti magnitude 7.8 a gingined idiay Mindanao.
Maibasar iti kaudian a rekord ti National Disaster Risk Reduction and Management Council, 1,339 nga indibidual ti nadunor idinto a 30 ti mapukpukaw ken agtultuloy a masapsapul.
Kabayatanna, umabot met iti 1.4 milion a tattao wenno 346,413 a pamilia ti naapektaran iti gingined manipud kadagiti 573 a barangay.
Karaman ditoy dagiti naggapu iti Zamboanga Peninsula, Davao Region, Soccsksargen, ken Bangsamoro Autonomous Region in Muslim Mindanao (BARMM).
-- ADVERTISEMENT --
Manipud iti bilang dagiti apektado, 18,504 nga indibidual ti agtaltalinaed kadagiti evacuation center idinto a 63,351 met ti kimmamambg iti sabali pay a lugar.
