Bilang ti natay iti magnitude 7.8 a gingined idiay Mindanao, umaboten iti 68

Umaboten iti 68 ti natay gapu iti magnitude 7.8 a gingined iti sumagmamano a paset ti Mindanao.

Segun iti National Disaster Risk Reduction and Management Council, umabot iti 33 ti mapukpukaw ken 1,339 ti nadunor.

338,000 a pamilia met wenno katukad iti 1.38 million ti naapektaran iti gingined.

Kabayatanna, 4,000 a pamilia ti agtaltalinaed kadagiti 44 nga evacuation center.

12,400 a pagtaengan ti totally damaged ken 55,600 ti partially damaged.