--Ads--
Umaboten iti duapulo ket lima ti natay gapu iti epekto ti habagat ken dagiti nagsasaruno a bagyo Crising, Dante ken Emong.
Segun iti National Disaster Risk Reduction and Management Council, 22 ti dumaldalan iti validation idinto a tallo ti nakumpirmaranen a natay gapu iti saan a nasayaat a paniempo.
Dagiti kumpirmado a natay ket manipud iti Rehion 3, 10, ken CARAGA.
Walo met ti mapukpukaw ken walo ti nadangran.
-- ADVERTISEMENT --
Kabayatanna, immadu pay iti 3.8 million nga umili wenno nasurok maysa milion ti naapektaran manipud iti sangapulo ket pito a rehion iti pagilian.
