Bilang ti natay gapu iti habagat, bagyo Luis, Maymay, umaboten iti 23

Umaboten iti 23 ti natay gapu iti epekto ti Habagat, bagyo Luis, ken Maymay, segun iti Office of Civil Defense.

Kaaduan ti natay idiay Benguet a 15, idinto a saggatlo iti Rizal ken Batangas, ken maysa idiay Quezon.

Karaman kadagiti rason ti landslide, pannakalmes, rockslide, pannakatwang ti kayo, ken pannakakoriente.

17 ti nadunor ken 3 ti mapukpukaw, amin dagiti mapukpukaw manipud iti Batangas.

Kabayatanna, umabot metten iti 4,903,086 nga indibidual wenno 1,410,800 a pamilia ti naapektaran iti nadumaduma a paset ti pagilian.