--Ads--
Umaboten iti sangapulo ket walo nga indibidual ti natay iti iduduprak ti bagyo Uwan, segun iti National Disaster Risk Reduction and Management Council.
Dagiti natay ket manipud iti Cagayan Valley, Cordillera Administrative Region, Bicol, Western Visayas, ken Eastern Visayas.
Kabayatanna, umaboten iti 652,000 a pamilia wenno katukad iti 2.3 milion nga indibidual ti naapektaran iti bagyo.
Manipud iti nasao a bilang, nasurok 231,000 a pamilia pay laeng ti adda kadagiti evacuation center a katukad iti nasurok 803,000 nga indibidual.
-- ADVERTISEMENT --
