Umaboten iti 224 ti bilang dagiti natay gapu iti bagyo Tino, segun iti National Disaster Risk Reduction and Management Council (NDRRMC).
Kaaduan ti nairekord a natay idiay Cebu nga umabot iti 158, sarunwen ti 27 iti Negros Occidental, 20 iti Negros Oriental, 8 iti Caraga, 3 iti Capiz, sag-dua iti Southern Leyte ken Leyte, ken saggaysa iti Antique, Bohol, Guimaras, ken Iloilo.
Kabayatanna, 109 ti mapukpukaw, agraman ti 57 iti Cebu, 42 iti Negros Occidental, ken 10 iti Negros Oriental.
526 ti nadunor, pakairamanan ti 454 iti Cebu, 41 iti Leyte, 28 iti Negros Occidental, dua iti Surigao del Norte, ken maysa iti Surigao del Sur.
Innayon pay ti NDRRMC a naapektaran iti bagyo ti nakurang 947,000 a pamilia wenno nasurok 3.3 milion a tattao kadagiti 7,269 a barangay iti walo a rehion.
