Umaboten iti innem ti natay ti trahedya iti highway idiay Del Gallego, Camarines Sur.
Segun ken ni Police Captain Bernie Undecimo a chief of police iti Del Gallego Municipal Police Station, ti inisyal a natay ti aksidente idi December 26 ket nanayunan iti dua.
Dua a naglugan iti pampasahero a bus a natinnag iti derraas iti natay idi kalman ken tattay parbangon.
Uppat iti immunan a naireport a natay idinto a duapulo ket tallo iti nadunor iti trahedya pakairamanan dagiti dua a driver.
Maibasar iti imbestigasyon dagiti otoridad, naggapu iti Quezon City ti bus ken agturong idiay Sorsogon idi naaksidente.
Posible a nagdungsa ti driver iti bus isu a naawanan ti kontrol agingga natinnag ti lugan iti derraas. Agsusukot a kaso iti sangwen ti driver nga ita ket bambantayan dagiti otoridad.
