--Ads--
VIGAN CITY- Immado ti bilang dagiti turista a bimmisita ditoy Ilocos Sur idi Semana Santa no ikomperar idi napalabas a tawen.
Segun kenni Provincial Tourism Officer Ryan Astom, immabot iti sumurok kumurang tallo gasut lima pulo a ribo dagiti turista a bimmisita ditoy probinsiya a nangatngato iti tallo pulo ribo no ikomperar idi 2017.
Maipalagip a sipud nagbalin a New Seven Wonder Cities Of The World iti syudad ti Vigan ket tinawenen nga umado dagiti turista a bumis-bisita ditoy probinsiya nangruna nu Semana Santa ken Christmas season.
