Bilang dagiti Pilipino a nangibaga a marigrigatda, bimmaba iti maudi a quarter ti 2025

Bimmaba ti bilang dagiti Pilipino a nangibaga a marigrigatda sakbay nga agtapos ti 2025.

Maibasar iti 4^th Quarter Tugon ti Masa Survey ti Octa Research, bimmaba iti 17 percentage points ti self-rated poverty ti pagilian idi December.

37 percent wenno katukad iti nasurok-kumurang 9.8 milion a pamilia ti nangibaga a marigrigatda – nababbaba ngem iti 54 percent wenno nasurok 14.3 milion a pamilia idi 3^rd quarter wenno idi September 2025.

Kayatna a sawen, nasurok-kumurang 4.5 milion a pamilia ti naikissay iti bilang dagiti Pilipino a nagkuna a marigrigatda.