VIGAN CITY- Immado ti bilang dagiti bangka dagiti Pilipino iti Scarborough Shoal wenno Bajo de Masinloc iti baet ti panangipatungpal ti China a mangibalud kadagiti ibilangda a trespassers iti West Philippine Sea kas pinasingkedan ti Philippine Coast Guard.
Kinuna ni PCG spokesperson for the West Philippine Sea Commodore Jay Tarriela a sipud idi June 14 ket nangideploy ti PCG ti dua a vessel nga isu ti BRP Sindangan ken BRP Malapascua tapno agpatrol iti kaadayo a 124 nautical miles iti Masinloc, Zambales.
Idi June 15, inpakaammona a tallo a bangka laeng dagiti Pilipino ti adda iti Bajo de Masinloc ngem ngimmaton iti pito agingga sangapulo ti bilangda agingga iti agdama.
Immunan nga inpakaammo ni Joeffrey Elad, president ti the Tropical Fish Gatherer Association idiay Masinloc, Zambales a nagbuteng dagiti mangngalap a mapan iti nadakamat a lugar partikular iti paset ti Scarborough Shoal.
Nupay kasta, inpanamnama ni Tarriela nga agipatungpal ti PCG ti patriotic duty tapno masigurado ti kinatalged dagiti mangngalap a Pilipino iti West Philippine Sea.
Kabayatanna, ibilang na a ti addang ti China ket maysa nga empty threat a mangpakapuy iti civil society manipud iti araramidenda a dati a mission iti nasao a teritoryo.
VC- WPS Commodore Jay Tarriela
