--Ads--
Lima pay a bangkay ti nasarakan ti Philippine Coast Guard idiay Baluk-Baluk Island, Basilan.
Gapu dayta, umaboten iti 51 ti bilang dagiti natay manipud iti limned nga M/V Trisha Kerstin 3 idi Enero 26, idinto nga agtaltalinaed iti 316 ti bilang dagiti nakalasat.
Segun iti PCG, nangisayangkat dagiti technical diver-da iti dive ken search and rescue operation ita nga aldaw iti mapatta-patta a 180 ft ti kaunegna.
Dagiti nasarakan a bangkay ket naipan iti Zamboanga City Port para iti pannakabigbig ken husto a disposisyon, babaen ti pannakitinnulongda iti Zamboanga City Disaster Risk Reduction and Management Office.
-- ADVERTISEMENT --
