Bilang dagiti natay iti Hajj pilgrimage idiay Saudi Arabia, umaboten iti 1,300

VIGAN CITY – Umaboten iti 1,300 a tattao ti natay gapu iti nakaro a kinabara ti panawen iti idadar-ayda iti Hajj pilgrimage.

Segun iti Saudi government, mabalin pay a manayunan ti bilang a 1,301 ta dagiti dadduma a biktima ket adda pay laeng iti pagagasan.

Innayonna nga 83 percent kadagiti natay ket dagiti “unauthorized a mangisayangkat iti Hajj” ket nagnada pay dagitoy iti adayo uray nagbara ti tiempo.

Sumagmamno kadagiti natay ket adda edadnan idinto a dagiti dadduma ket adda sagsagabaenda.

Kada pilgrim ket nasken a makaala iti lisensya tapno legal a makastrekda iti Mecca ta 1.8 milion laeng dagiti napalubosan.