Bilang dagiti natay iti gingined idiay Mindanao, umaboten iti 65

Umaboten iti innem a pulo ket lima dagiti natay iti magnitude 7.8 a gingined idiay Mindanao, segun iti National Disaster Risk Reduction and Management Council.

Pakabuklan a 176,186 a pamilia wenno 736,386 nga indibidual ti naapektaran iti nasao a didigra.

Manipud iti nasao a bilang, 3,180 a pamilia wenno 14,180 nga indibidual ti agtaltalinaed kadagiti 37 nga evacuation center, idinto a 14,687 a pamilia wenno 59,013 nga indibidual ti kimmamang iti sabali a lugar.

1,447 met ti nadunor, idinto a 36 ti mapukpukaw ken sapsapulen dagiti otoridad.