--Ads--
Umaboten iti pitopulo ket uppat ti bilang dagiti natay iti magnitude 6.9 a gingined idiay Bogo City, Cebu.
Maibasar iti National Disaster Risk Reduction and Management Council, 559 a tattao ti nadunor idinto nga umabot iti 666,439 nga indibidual wenno 189,620 a pamilia idiay Central Visayas ti naapektaran.
Manipud iti nasao a bilang, 7,813 nga agindeg ti naawanan iti pagtaengan.
Nangitunda pay ti gingined iti panagreggaay ti daga, uram, ken pannakarpuog dagiti pasdek.
-- ADVERTISEMENT --
71,996 a pagtaengan ti nadadael – 67,027 ti partially damaged ken 4,969 ti totally damaged – malaksid pay iti 706 nga istraktura a naapektaran.
Walo a kalsada ken duapulo a rangtay ti saan a madalanan.
