--Ads--
Umaboten iti uppat a pulo ket tallo a tattao, pakairamanan dagiti sangapulo ket lima nga ubbing ti kumpirmado a natay gapu iti layus idiay Central Texas.
Malaksid dayta, nairekord ti nasurok 850 a tattao ti naisalakan idinto a dinosena dagiti masapsapul pay laeng.
Kakaroan a naapektaran ti Kerr County kalpasan a naibuyat ti 38 cm a tudo nga isu ti nangpalupyas iti Guadalupe River nga umabot iti 29 inches ti kangatona.
Karaman kadagiti mapukpukaw ti 27 nga ubbing a babai manipud iti Camp Mystic summer camp.
-- ADVERTISEMENT --
Segun kadagiti otoridad, manamnama pay a ngumato ti bilang dagiti natay kagiddan ti agtultuloy a pannakasapul dagiti mapukpukaw.
