Umaboten iti tallopulo ket walo ti bilang dagiti natay gapu iti epekto ti Southwest Monsoon ken dagiti naglabas a bagyo Crising, Dante, ken Emong, kas pinasingkedan ti National Disaster Risk Reduction and Management Council.
Manipud iti nasao a bilang, tallo kadagiti natay ti kumpirmado ken tallopulo ket lima ti dumaldalan iti validation.
Tallopulo ket tallo met dagiti nadunor – duapulo ket uppat ti validated ken siam ti dumalan pay laeng iti validation.
Ti met bilang dagiti naapektaran a pamilia ket umaboten iti 2,365,343 families wenno 8,592,630 nga umili.
Manipud iti nasao a bilang, 24,771 a pamilia weno 91, 906 nga umili ti nagtalinaed iti uneg dagiti 839 nga evacuation center, idinto a 32, 320 a pamilia wenno 123,624 nga agindeg ti adda iti ruar ti evacuation center.
