Bilang dagiti natay gapu iti bagyo Kristine, umaboten iti 116

Umaboten iti 116 ti bilang dagiti natay gapu iti bagyo Kristine, kas pinasingkedan ti National Disaster Risk Reduction and Management Council.

Sangapulo ti naberipikan idinto a ti dadduma ket dumaldalan pay iti validation.

Tallopulo ket siam ti mapukpukaw ken sangagasut ket siam ti nadunor.

Inapektaran ti bagyo Kristine ti 6.7 milion a tattao wenno 1.6 milion a pamilia manipud kadagiti 10,147 a barangay iti intero a pagilian.

Manipud iti nasao a bilang, 980,355 a tattao ti nagbakwit ket kimmamang kadagiti 6,286 nga evacuation centers.