Nairekord ti Philippine National Police ti innem a pulo ket uppat nga insidente ti pannakalmes iti panangrambak ti Semana Santa ita a tawen.
Segun iti PNP, ti 64 a kaso ket 49 percent ti ngimmatoanna manipud iti 43 nga insidente ti pannakalmes iti isu met laeng a panawen idi 2024.
Kaaduan kadagiti Pilipino ket nagturong kadagiti bukodda a probinsia iti napaot a panagbakasyonda gapu iti Semana Santa, ken ti kaaduanna ket napan met iti kabaybayan ken resort.
Innayon ti PNP nga adda pakabuklan a 120 nga insidente ti namonitor iti intero a pagilian iti Semana Santa, 43 percent ti ngimmatoanna manipud iti 84 nga insidente idi napan a tawen.
Nupay kasta, maibilang latta a generally peaceful ti panangrambak iti Semana Santa ita a tawen ken awan ti major untoward incident a nangtaktak iti makalawas a religious tradition.
