VIGAN CITY – Nababbaba ti porsiento dagiti nakapasa iti Civil Service Examination iti Ilocos Sur ita a tawen no yarig idi 2023.
Iti pannaki-uman ti Bombo Radyo Vigan ken ni Heddy “Jiggs” Lardizabal, Regional Director ti Civil Service Commision Region 1, 2,231 ti nakapasa manipud iti 13,435 a nagexam, katukadna ti 16.61%.
Manipud ti nadakamat a bilang, 1,945 ti nakapasa manipud iti 11,777 a nagexam iti professional level idinto a 286 ti nakapasa, katukad ti 16.61% manipud iti 1,658 examinees iti subprofessional level.
Segun ken ni Lardizabal, mabalin a makitan dagiti saan a nakapasa ti rating-da ngem saan pay dagiti nakapasa ta mayaramidanda pay iti masterlist ken isu ti pagibasaranda dagiti maikkan iti certificate of eligibility.
Kabayatanna, dagiti adda iti serbisyo ti gobierno a nasurok sangapulo tawennan nga agserserbi a saan pay a regular ket mabalinda a makaavail iti nayon a rating no laketdi 70% agpangato ti rating-da.
Innem laeng a bulan ti pawayway para kadakuda tapno ma-claim ti maited a prebilehio kadakuada.
