Umaboten iti nasurok limapulo a milion ti bilang dagiti nakabotos idiay America, innem nga aldaw sakbay ti naituding a panagpipili inton November 5.
Iti pannaki-uman ti Bombo Radyo Vigan ken ni Bombo International News Correspondent Gabriel Ortigoza, ti panagbotosan ket babaen iti mail wenno personal a panagturong kadagiti polling precinct.
Nabara ti laban kadagiti dua a kumankandidato iti kina-presidente iti nasao a pagilian ta mano laeng a puntos ti diperensya iti rating da.
Leading ni US Vice President Kamala Harris nga adda ti 48.1 percent rating na, idinto a 46.7 percent ni dati a Presidente Donald Trump.
Innayon ni Ortigoza nga ad-adu ti mapmapan iti campaign rally ni Harris ta iti naudi idiay Washington, DC ket umabot iti 75,000 dagiti dimmar-ay.
Nupay kasta, nakasaganan ti America kadagiti election paraphernalia a mausarto inton aldaw ti panagpipili.
