VIGAN CITY – Umaboten iti pito gasut siam a pulo ket uppat dagiti nairehistro a baro a botante iti ili ti Tagudin sipud narugian ti voter’s registration idi February 12 ken malpas inton September 30.
Iti pannaki-uman ti Bombo Radyo Vigan ken ni Election Officer Vita Dandin, ti nasao a bilang ket karamanen dagiti nagpa-reactivate, nag-change status ken nagtransfer.
Sakbay ti ituturongda kadagiti barangay ket mapakaamoan pay nga umuna dagiti barangay official ta isuda ti maseknan a mangipakaammo kadagiti agindeg no ania nga oras ti pannakaiwayatna.
Al-allukoyenna met dagiti naikkat ti naganda gapu iti saanda a panagbotos iti namindua a nagsaruno nga eleksion a nga agpa-reactivate dan.
Inton Mayo 14, addadanto met iti Divine Word College of Vigan para iti panangisayangkatda iti Register Anywhere Program a mabalin a pagparehistroan ti siasino man nga uray agnaed iti sabali a lugar.
