Umaboten iti 691 a tattao ti nakemmeg gapu iti panaglabsingda iti election gun ban, segun iti Philippine National Police.
Kaaduan dagiti nakemmeg a suspek ket manipud iti Metro Manila a 206, sarunwen ti Central Luzon a 117 ken Central Visayas a 70.
Dagiti nakemmeg a naglabsing ket pakairamanan ti maysa a PNP personnel, innem nga Armed Forces of the Philippines personnel, maysa a CAFGU Active Auxiliary, tallo a personnel manipud iti sabali pay a law enforcement agencies, duapulo ket dua a security guards, maysa nga election government official, maysa a child in conflict with the law, dua a foreign national ken 650 a civilian.
692 ti pakabuklan a bilang dagiti armas a nakumpiskar manipud kadagiti naglabsing pakairamanan ti 268 revolver, 208 pistol, 33 gun replica, 17 Class A guns, 13 nga explosives, walo a rifle, six shotgun, ken 138 a dadduma pay.
