VIGAN CITY – Nasurok 38k ti nabakunaanen kontra Covid19 iti intero a Region 1 idinto a 7,523 a frontliner a katukad iti 35 percent ditoy Ilocos Sur bayat ti agtultuloy a Covid19 vaccination program.
Segun ken ni Dr. Rheuel Bobis, Medical Officer IV iti Ilocos CHD, manamnama a kadagiti sumarsaruno nga aldaw ket mairugi payen ti panagbakuna kadagiti senior citizen iti dadduma nga ili.
Ti pay laeng Dagupan City LGU ti nakairugi a mangbakuna kadagiti senior citizen gapu ti kurang a suplay a simmangpet ngem naipasigurado a numan addanto nayunnan ket iruginto metten dagiti dadduma nga LGU ta agtultuloy met ti pannakikinnammayetda iti central main office para iti bakuna.
Kabayatanna, ditoy probinsia ket 45 percent ti bed capacity idinto a 40-42 percent iti intero a rehion a nangatngato ngem idi napalabas a 20-30 percent laeng ti capacity na.
