Bimmaba ti agdama a bilang dagiti enrollee iti Ilocos Sur National High School ita nga School Year 2026-2027 ta umabot pay laeng iti 7,147.
Iti pannaki-uman ti Bombo Radyo Vigan ken ni Principal IV Editha Bagcal, manamnama a manayunan pay ti nasao a bilang ta adda pay laeng dagiti manarimaan nga agen-enrol ita a nangrugin ti klase.
Maysa kadagiti nadakamat ni Bagcal a rason ti bimmabaan ti bilang dagiti nagenrol ket gapu kadagiti dadduma a pagadalan a nagbalinen nga integrated schools.
Kabayatanna, maipatungpal pay laeng ti shifting ti klase ngem no la ket malukatanton dagiti matartarimaan a pasdek iti nasao a pagadalan ket agsublinton iti regular ti klase.
Nagyaman met ti principal kadagiti timmulong idi Brigada Eskwela kas kadagiti kameng ti Tulong Panghanapbuhay sa ating Disadvantaged/Displaced workers (TUPAD) ken dadduma pay a maseknan tapno maisagana dagiti klasrum ita a panangrugi ti klase.
