VIGAN CITY – Umaboten iti duapulo ket lima ti fireworks-related injuries a nairekord iti Region 1 manipud December 21-27.
Duapulo ti nairekord iti Pangasinan; uppat iti La Union; ken maysa iti Ilocos Sur.
Iti pannaki-uman ti Bombo Radyo Vigan ken ni Dr. Rheuel Bobis, Medical Officer IV iti Department of Health Region 1, pitopulo ket siam a porsiento a nangatngato ngem iti kaso a nairekord idi napan a tawen ta adda laeng sangapulo ket uppat a kaso.
Kaaduan kadagiti kaso ket blast and burn injuries, adda met dagiti naputukan iti paset ti bagi ken matada a dagitoy ket gapu kadagiti unlabelled imported firecracker.
Malaksid dayta, adda pay tallo a naputukan gapu iti panagaramatda iti boga.
Iti agdama, nakaibayog iti white code ti DOH-1 kagiddan ti panagtultuloy a surveillance da kadagiti firework-related injuries.
Nagbalakad met ni Bobis a no naputukan ket bugwan iti nadalus a danum ket no met natilmon ti pulbura ti paputok, saan nga ipilit a pagbakwaren.
