--Ads--
Umabot iti 1.4 milion ti bilang dagiti deboto a nakipaset iti foot procession para iti bisperas ti kapiestaan ti Sto. Niño idiay Cebu.
Nangatngato ngem iti bilang dagiti tattao idi napan a tawen a 1.2 milion.
Naur-urnos ita ti prusisyon a nasapsapa a nalpas iti dua nga oras ngem iti ninamnama.
Naksayan ti kaatiddag ti ruta ti foot procession ita a tawen manipud iti 6.4 kilometro idi 2024 ta nagbalin a 5.7 kilometro.
-- ADVERTISEMENT --
Nangrugi a nagna dagiti deboto idiay Basilica Minore del Sto. Niño de Cebu, ken insigida a napan idiay Osmeña Blvd.
Idi nakagtengda idiay Fuente Osmeña Circle, nagsikko idiay General Maxilom Avenue, a lumasat ti Imus Avenue ken agsubli idiay Basilica babaen iti M.J. Cuenco Avenue.
