VIGAN CITY – Nanayunan pay ti dua ti bilang dagiti kumpirmado a kaso ti coronavirus disease 2019 ditoy pagilian.
Maibasar iti kaudian a rekord ti Department of Health agingga idi alas dose iti tingnga ti aldaw idi kalman, immaboten ti 142 ti bilang dagiti confirmed COVID- 19 cases ditoy Pilipinas.
Agingga idi 10: 30 iti rabii ti Domingo, 12 iti bilang dagiti natay gapu iti nasao a sakit a ti kaudian a biktima ket ti agtawen a 56 a Pilipino a lalaki a taga-Manila a naguyek ken naggurigor idi February 29 ken nai-confine idiay Makati Medical Center idi February 7 ken napaneknekan a nagpositibo ti nasao a sakit idi March 9.
Kabayatanna, tallo a pasyente iti nalainganen iti nasao a sakit a pakairamanan ti maysa a Pinoy nga agtawen ti 46 idiay Pasay City.
