--Ads--
VIGAN CITY – Nanayunan ti 385 iti baro a kaso ti coronavirus disease 2019 ditoy pagilian iti agpatnag.
Dayta ket maibasar iti naiparuwar a COVID- 19 case bulletin number 20 ti Department of Health (DOH).
Ti biglaan a panagadu ti bilang dagiti makumkumpirmaran a baro a COVID- 19 case ditoy Pilipinas ket gapu ta saan laengen a ti Research Institute for Tropical Medicine iti agisaysayangkat ti COVID- 19 testing nu di ket addan ti walo nga ospital a katulungan da isu a nu ad-adu ti bilang dagiti ma-test ket posible nga ad-adu met iti bilang dagiti mapaneknekan a positibo ti virus.
Kabayatanna, nanayunan met ti maysa ti bilang dagiti nalaingan iti nasao a sakit isu nga umaboten ti 52 dagiti COVID- 19 recoveries ditoy Pilipinas.
-- ADVERTISEMENT --
