VIGAN CITY – Nagdoble dagiti barko ti China idiay Bajo de Masinloc kas maibasar iti listaan ti Philippine Navy.
Iti maudi a listaan ket namonitor ti limapulo ket lima a barko iti China a buklen ti siam a Chinese Coast Guard Vessel, uppat a People’s Liberation Army Navy, ken uppat a pulo ket dua a Chinese Maritime Militia Vessel idiay Bajo de Masinloc manipod May 14 agingga 20.
Arigna nadoble manipod ti nairekord idi May 7 agingga 13 a 28 a barko a pakairamanan ti walo a Chinese Coast Guard Vessel, dua a People’s Liberation Army Navy, ken sangapulo ket walo a Chinese Maritime Militia Vessel iti naobserbaran.
Immunan a nagpanawagan ti National Security Council a mangisyangkat ti International Inspection kadagiti aktibidad ti China idiay Bajo de Masinloc.
