Nanayunan pay dagiti barko ti China a namonitor iti West Philippine Sea.
Iti listaan ti Philippine Navy, 190 iti nakita a barko iti China idiay West Philippine Sea manipod September 30 agingga October 6, 2024 a ngimmato nu yarig iti 178 a barko iti China iti napalabas a lawas.
Manipod ti nasao a bilang ket duapulo ket walo iti People’s Liberation Army Navy ken China Coast Guard vessels idiay Ayungin Shoal, Escoda Shoal ken Bajo de Masinloc.
Segun ken ni Philippine Navy Spokesperson Rear Admiral Roy Vincent Trinidad, ti agtultuloy nga illegal a presensya iti China idiay West Philippine Sea ket panangiyaleng-alengda iti 2016 Arbitral Tribunal ruling a manglablabsing iti sovereign rights.
Kabayatanna, ingkari ti Armed Forces of the Philippines nga agtultuloy iti panangiyetnagda ti international law ken panangsalaknibda iti karbengan ken soberanya.
