--Ads--
VIGAN CITY – Ngimmato ti bilang dagiti awan trabahona basar iti Labor Force Survey iti April 2024 Preliminary result ti Philippine Statistics Authority.
Segun ken ni Usec Dennis Mapa, National Statistician and Civil Registrar General ti PSA, nairekord ti bilang dagiti awan trabaho wenno negosyona idi April 2024 iti 2.04 million.
Inlawlawag ti PSA nga umabot iti uppat a porsiento ti unemployment rate a nairekord idi April 2024, nangatngato ngem iti nairekord idi March 2024 a dua milion ti unemployed a Pilipino.
Ngimmato met ti bilang dagiti underemployed idi April 2024 a nairekord iti 7.04 a milion ken 14.6 percent ti underemployment rate.
-- ADVERTISEMENT --
