Bilang dagiti armas a nakumpiskar kabayatan iti election gun ban, umaboten iti nasurok 1,500

Nasurok 1,500 nga armas ti nakumpiskar dagiti pannakabagi ti linteg kabayatan iti election gun ban, segun iti Philippine National Police.

Pinasingkedan ni Police Brigadier General Jean Fajardo, PNP Spokesperson, pakabuklan a 1,563 a paltog ti nakumpiskar iti intero a pagilian agingga idi Marso 7 babaen kadagiti law enforcement agencies kas paset iti gun para iti 2025 national and local elections.

Kabayatanna, duapulo ket uppat ti maatap nga election-related incidents idinto a sangapulo ket maysa ti validated.

Manipud iti sangapulo ket maysa a validated incident, siam ti maibilang a naranggas ta karaman ti pammaltog ken pammagkong.