Bilang dagiti apektado iti pagilian gapu kadagiti naglabas a bagyo ken habagat, umaboten iti 4-M

Umaboten iti 4.17 milion nga indibidual wenno 1.2 milion a pamilia ti naapektaran iti bagyo Luis, Maymay, ken Habagat kadagiti nadumaduma a paset ti pagilian.

Segun iti OCD, 21 ti natay, 17 ti nadunor ken tallo ti mapukpukaw.

Nasurok 51,000 met ti agtaltalinaed kadagiti 523 nga evacuation center.

Umabot metten iti 1,428 a pagtaengan ti nadadael, idinto a mapatta-patta a P2.65 billion ti nadadael iti imprastraktura ken P347.37 million iti agrikultura.

Nakaited met ti gobierno iti nasurok P495 million a gatad ti ayuda kadagiti apektado a komunidad.