Bilang dagiti apektado iti habagat ken bagyo, umaboten iti 9.5-M

Umaboten iti 9,530,350 nga umili ti naapektaran iti nagtipon nga epekto ti habagat ken dagiti bagyo Crising, Dante, ken Emong.

Segun iti National Disaster Risk Reduction and Management Council, katukad daytoy iti 2,599,712 a pamilia.

Karaman ditoy ti 28,703 nga umili nga agtaltalinaed kadagiti 273 nga evacuation center, idinto a 40,729 a tattao ti natulongan iti ruar.

Tallopulo ket pito met ti natay – lima ti naberipika, 32 ti nadunor – 24 ti naberipika; ken 8 ti mapukpukaw – 4 ti naberipika.

Mapatta-patta met nga umabot iti P3.16 bilion ti nadadael iti agrikultura, a nangapektar iti 98,307 a mannalon ken mangngalap, ken P16.5 bilion met iti imprastraktura.