Nanayunan pay dagiti kongresista a nagperma iti maikapat nga impeachment complaint kontra ken ni Vice President Sara Duterte.
Dayta ti pinasingkedan da House Assistant Majority Leader Zia Alonto Adiong, ken ni Rep. Rodge Gutierrez, a maysa kadagiti miembro ti House Prosecution Team.
Innayon dagiti agpampandaylinteg nga adda dagiti kaduada a kayatna ti kumamakam nga agbalin a complainant iti reklamo nga impeachment kontra iti bise presidente.
No iti desisyon a mairaman pay wenno saan dagiti kumamakam ket nakadepende iti pagannurotan ti Senado nga agserbi nga impeachment court.
Iti agdama, 215 ti orihinal a nagperma ken endorsers ti nasao nga impeachment complaint, ad-adu ngem iti kasapulan laeng a 1/3 a miembro ti kamara tapno ma-impeach ti bise president ken mayuli daytoy iti Senado.
