VIGAN CITY – Natalgeden ti kasasaad ti biktima iti napasamak a pammagkong idiay Zone V, Bantay a ni Jerry Roces, agtawen iti duapulo ket tallo a taga- Brgy. Ayusan Sur, Vigan City.
Dagiti suspek ket da Arvin Bataan, agtawen iti tallopulo ket dua, PUV driver; Rommel Recitis, agtawen iti tallopulo ken ni; Patrolman Christian Rex Aquino, agtawen iti tallopulo, PNP personnel iti Laoag City Police Station nga agpapada a taga-Bayubay Sur, San Vicente.
Iti pannaki-uman ti Bombo Radyo Vigan ken ni P/Maj. Pol Areola, adda saan a nagkikinnaawatan ti dua a grupo ken sakbay ti napasamak a pammagkong ket nagsisinnarak ti grupo ti suspek ken ti biktima idiay Option Bar, San Vicente idin ta rimsua ti saanda a panagkikinnaawatan.
Kalpasan dayta, nagsinnarak manen dagiti grupo iti Eury Gas Station tapno agorder ken mangan iti Miki Noodles iti Mayet Empanada Stall idin ta naaddaanda iti nabara a patangan agingga a nadangran dagiti suspek a ni Rommel ken Christian ti biktima ken nabagkong isuna ni Bataan babaen ti screw.
Gapu dayta, dua a tama iti screw iti likud ti ulo ken maysa a dunor iti akin-kannigid nga abaga ti sinagrap ti biktima idinto a ti suspek ket nabullo ti imana gapu ti panangibansag iti bato dagiti kadua ti biktima a naglibas kalpasan ti pasamak.
Kabayatanna, inkalintegan met ti suspek a dinepensaranda laeng ti bagina agsipud ta isu koma ti sumaruno a dangran ti grupo ti biktima kalpasan ti panangkabilda iti kaduana.
