VIGAN CITY – Saan a pulos a ninamnama ti maysa a biktima nga agtawen ti tallo pulo ket dua nga agnaed iti ili ti San Juan a ti nang-blackmail kenkuana ket kabagyanna.
Iti pannaki-uman ti Bombo Radyo Vigan ti biktima, nakigtot laengen isuna idi makemmeg babaen ti entrapment operation nga insayangkat ti San Juan Municipal Police Station ti suspek nga agtawen ti sangapulo ket siam a lesbian.
Nagpaarayat ti biktima kadagiti kameng ti San Juan PNP ta adda iti naka-chat na a nagpammarang a sabali a tao a ti naganna ti social media ket “Cha Kath” agingga inaremna ken nagbalin a nobyana.
Nagipatulod ti ladawana ti suspek a nakasuot laeng ti panty iso a nangipatulod ti biktima ti nude videona nga iso iti inaramat ti suspek a panang-blackmail kenkuana ken dimmawat idi December 20 ti sangapulo ket dua a ribo a pisos ken idi kalman December 21 dimmawat manen ti dua pulo a ribo a pisos.
Innayon ti biktima a desedido nga agipila ti kaso kontra ti suspek ken saan nga agpaareglo.
