VIGAN CITY – Agtaltalinaed idiay ospital ti biktima iti pammaltog idiay Alcantara Street, Brgy VIII, Vigan City a ni Michael Pablico, agtawen ti dua pulo ket tallo nga agnaed idiay Brgy. III kalpasan a naopera.
Ti pannaki-uman ti Bombo Radyo Vigan ken ni Pablico, nadakamat na a limmabas da iti ayan ti suspek nga agtugtugaw iti ayan ti Mio a motorsiklo na a nakaparada iti sangwanan ti maysa a bangko.
Nagdamag kenkuana ti suspek nu adda ti babai a maiyam-ammo na kenkuana ngem insungbat ti biktima nga awan.
Agsipud iti dayta, immasot iti paltog ti suspek isu a nagtaray ti biktima a napan nangala iti bote nga armas na ngem pinaputukan ti suspek a nakatamaan ti akin-kannigid nga ima ken tiyan ti biktima.
No pay kasta, nagdesisyonti ina ti biktima a saanda a mangipila ti kaso kontra ti suspek ngem kiddawen na nga isu iti agbayad iti gastos da iti ospital.
