Nangted iti nasapa a tulong ti Department of Labor and Employment kadagiti mangmangged ken pamilia dagiti naapektaran iti aksidente iti landfill idiay Barangay Binaliw, Cebu City.
Iti salinong ti Employees’ Compensation Program, makaawat iti death ken funeral benefits ti pamilia dagiti natay a mangmangged.
Dagiti nadunor iti pasamak ket mabalin a makaala iti sickness, disability, ken medical assistance.
Segun iti DOLE, mapadpadarasen ti pannakaiproseso dagiti benepisio babaen iti tulong ti Social Security System ken ti kompania nga akinkukua iti landfill.
Malaksid dayta, mangted ti ahensia iti emergency employment ken livelihood assistance kadagiti kwalipikado a biktima iti salinong ti ulong Panghanapbuhay sa Ating Disadvantaged/Displaced Workers (TUPAD) ken dadduma pay a programa ti ahensia.
