VIGAN CITY – Maob-obserbaran tatta dagiti biahero a simmangpet idiay Austria manipud South Africa kalpasan ti pannakaideklarar nga adda maysa a positibo iti Omicron idiay Austria.
Iti pannaki-uman ti Bombo Radyo Vigan ken ni Bombo International Correspondent Maureen Amano, duapulo kadagitoy a biahero ti negatibon iti virus ket dagiti sangapulo ti mayur-uray ti resultada.
Gapu ti dayta ket kinasapulanda ti dumalan iti 14-day quarantine ket kalpasan ti umuna a lima nga aldaw da ket ma-RT PCR kasta payen no madanun ti maikasangapulo nga aldaw ti panag-quarantine -da.
Iti agdama, naka-lockdown pay laeng agingga inton December 12 dagiti nabakunaan idinto nga agingga December 20 dagiti saan pay a nabakunaan ngem posible a mayatiddug manen gapu ti kaadda ti Omicron wenno ti B11529 variant.
Malaksid ti dayta ket insarran ti Austria ti border-da kadagiti aggapu iti South Africa nga immuna a nakatakuatan iti nasao a virus.
