--Ads--
Impakat ni Carlo Biado ti laingna kalpasan a maagawna ti kampeonato iti Predator ti PBC International Indonesia Open Ball idiay Jakarta, Indonesia.
Inabak ni Biado ti padana a Pilipino a ni Paolo Gallito, 10-9, iti finals.
Dandanin a nayawid ni Gallito ti titulo idi limmamang isuna iti score a 9-8, ngem nagkamali kalpasan a nag-scratch iti napateg a tira, isu a nakapuersa ni Biado iti hill-hill.
Iti deciding rack, nag-scratch ni Gallito isu a ginundawayan ni Biado tapno mayawidna ti titulo ken ti $25,000 wenno nasurok-kumurang P1.5 million a premio.
-- ADVERTISEMENT --
