Nailukat manen iti publiko ti Bia-o Mangrove Forest Park iti ili ti Sta. Maria, Ilocos Sur kalpasan ti mano a lawas a pannakairikepna gapu iti natudo a panawen.
Iti pannaki-uman ti Bombo Radyo Vigan ken ni Tourism Officer Michael Escobar, napagdesisyonan dagiti opisial ti Barangay Bia-o pakairamanan ti Local Government Unit ken Tourism Office nga ipasarra pay laeng idi kallabes tapno matarimaan dagiti boardwalk wenno dagiti kawayan a pagbadekkan dagiti mapan pumasyar.
Malaksid dayta, binisita met ni Department of the Interior and Local Government Lilian de Leon ti nasao a pagpasyaran.
Ti ibibisita ti opisial ket kas paset iti panangpasyarda kadagiti sangapulo a probinsia iti lugar a sumango iti West Philippine Sea.
Kabayatanna, nakaalerto met dagiti barangay official nga agbantay ken mangtarabay kadagiti pumasyar a turista ken dagiti lokal nga agindeg.
