Pinasingkedan ti Bureau of Immigration nga awan ti record ti ahensia a ‘departure incident’ a nakairamanan ti dati nga aide ni dati nga Ako Bicol partylist Rep. Zaldy Co a ni John Paul Estrada ken ti asawana.
Kasaruno dayta ti panangibutaktak ni dati a Congressman Mike Defensor a binugbog ken naibiahe dagiti agassawa a mapan idiay Chile babaen iti peke a pasaporte tapno saan a tumestigo iti imbestigasion iti maanomalya a flood control project.
Segun ken ni BI Spokesperson Dana Sandoval, awan ti iggemda nga ania man a record ti ‘departure incident’ nga adda pakainaigan dagiti nadakamat nga indibidual.
Ngem segun kenkuana, agtuloy ti panangpaliiwda iti insidente, ken ipasa ti BI ti resulta ti imbestigasion iti Department of Justice ken dadduma pay a maseknan nga ahensia.
